Flott jubileumsfest

Vadheim skulemusikk fekk med sine nye flotte uniformer ei strålande jubileumsfeiring i går på Vadheim skule. Godt med hjelp frå Høyanger skulemusikk og Kyrkjebø ungdomskorps under konserten. Vadheim Musikklag overraska med ein humørfylt gratulasjonssang, og ikkje minst klarte Åge Sagen å på sin måte ta oss med tilbake til oppstartsåra... med både tale og song. I pausen fekk dei besøkande sjå bilete frå både tidlege og nyare korps-tider, filmen frå Danmarksturen og ikkje minst vår endeleg avlagte raude uniformsjakke, med dei 70-tals inspirerte gule pologensarane og skjortene, som på 80-talet vart bytta ut med kvite skjorter. Då det nærma seg taco-tid, vart etter kvart gymsalen stappfull med inviterte og andre påmelde gjester. Då tallerknane etter kvart vart tome, fekk underhaldningsgjengen slå seg laus på scena. Drilljentene frå Kyrkjebø og fløytist frå Høyanger gjorde, saman med Vaima-gjengen ein kjempeinnsats, attpåtil leiaren vår, Jorun, heiv seg ut på «Glow»-dansen. Og heile salen måtte sjølvsagt også vere med på dansen:))Då kakene og kaffien var innteke, fekk musikantane røre seg etter fengande diskorytmer, medan praten gjekk laust i gymsalen. Tusen takk til alle som var med å gjere dette til ein flott og minnerik dag for musikantane i Vadheim skulemusikk, og heilt sikkert også for dei andre som deltok!!:))
Heidi Beinnes (ref.)